Qaartartoq 700 kg Georgien-imut nakkartinneqartoq
Russit timmisartui sorsuutit marluk qaartartumik 700 kilo-nik oqimaassusilimmik Sovjetunion-iusimasumi naalgaaffimmut Georgien-mut nakkartitsisimapput, qaartartut nakkartinneqartut qaarsimanngillat.
Georgien-mi nunami pissutsinut naalakkersuisoqarfimmi tusagassiuuteqarnermi pisortoq oqaluttuarpoq, qaartartut nunaqarfimmut Tsitelubani-mut nakkartinneqarsimasut, nunaqarfik taanna naalagaaffiup Georgien-p illloqarfiisa pingaarnersaata Tbilisi-p avannaata kippasissuaniippoq 65 kilometer-inik ungasissulimmi. Tuluit nutaarsiassaqartitsiviat Reuter ullaaq allappoq qaartartoq qaarsimagaluarpat, ajunaarnersuaqarsimassagaluartoq.
Rusland Georgien-mut qaartartumik nakkartitsimannginnerarpoq. Russit sakkutuuvisa timmisartui ataasinngormat marlunngormalluunniit Georgien-ip qulaani timmisinneqanngillat, Georgien-ilu naalagaaffittut oqartussaaffii unioqqutinneqaratik, sakkutuut pisortaat oberst Aleksandr. Drobisjevski russit sakkutuuvisa timmsartortartuini sakkutuujunerusoq oqaluttuarpoq.
