Sisimiuni ullumikkut qaannamik pissartanngorniunneq aallartinneqarpoq.
Aaqqissuusseqataasoq Kaaleeraq Bech oqaluttuarpoq, ulloq naalagiaqatigiinnermik aallartinneqartoq, ualimullu pingasunut unammersuarneq aallartittoq.
Inuit katillugit 110-nik amerlassusillit unammeqataapput, taakkunannga aqqanillit nunani allaninngaanniit aggersuupput, ilaatigut; USA, Tyskland, Spania, Sverige kiisalu Norge aggerfigalugu. Nutaatullu siullerpaamik Nunavumeersumik aamma peqataasoqartoq unnersiutigineqarpoq.
- Nuannaaruteqaarput Nunavumiut aamma maluginialersimammassuk nunatsinni qaannamik pissartanngorniuttoqartarnera, Kaaleeraq Beck oqarpoq.
Aammattaaq peqataasut nukarlersaat sisamaannarnik ukioqarnerarpaat.
Qaannamik pissartanngorniunneq sapaatip-akunnerata sinnera tamaat ingerlanneqaassaaq