Qaanaap Kommunia suli nakkutigineqarpoq

Qaanaap Kommunia kommuninik nakkutilliisoqarfiup suli nakkutigisaraa. Nakkutilliisoqarfiup, Ilulissat Kommuniata aningaasanik ingerlatsivia suleqatigalugu, Qaanaap Kommuniata aningaasaqarnera suli nakkutigisaraa.
septembarip 06-at 2007 15:27

Kommuninik nakkutilliisoqarfiup, Nunatsinni pissutsinut allaffeqarfimmit aamma KANUKOKA-mit inuttaqartup, nunatsinni kommunit avannarlersaat aggustip ulluisa 15-ianniit 22-annut tikeraarpaat.

- Nakkutilliisoqarfiup Qaanaap Kommuniata aningaasaqarnera nakkutigigallassavaa, tassami kommuni aningaasaqarnermut pisortaqanngimmat. Taamatullu ingerlatsisoqarallassaaq kommunit 2009-mi januaarip ulluisa aallaqqaataanni kattunnissaasa tungaanut, taama oqarpoq Nunatsinni pissutsinut allaffeqarfimmi allaffiup pisortaa, Leif Scharling.

Tamatumani tunngavigineqarpoq ukiup naanerani naatsorsuutini 6,3 millioni koruuninik sinneqartooruteqarnissamik piumasarisaq, aammattaaq kommunip karsiani 5 procentimik uninngasuuteqarnissaq piumasaqaataammat.

- Kommunit kattunneqarnerannut atatillugu Qaanaap Kommunia akiligassanik akilerneqanngitsunik peqassanngilaq kommuninullu allanut artukkersuutaassanani, Leif Scharling oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq