Qaanaap eqqani nannut mianersorfigikkit

Kisimiilluni qimussertoqannginnissaa ingammillu meeqqat ilaatigut kisimiillutik qimussertut mianersoqquneqarput. Qimussertut tamatigut inersimasumik aallaasilimmik ilaqartarnissaat politiit innersuussutigaat, nannummi taamaalilluni qunusaarlugit qimaatinneqarsinnaaniassammata.

Nanoq Qaanaap kangerluaniittoq ippassigami takuneqarpoq.

Takunnittoq tassaalluni nunakkoorutinik sisamanik assakaasulinnik Qeqertanut qaleralinnik aallersoq. Angutip taassuma nanoq 100 meterinik ungasitsigalugu malugilerpaa, nunakkoorutinilli angallateqarallartilluni nannumit qimaasinnaasimalluni.

Nannumik allamik ippassaq sapaammi aamma takusoqarpoq. Nanoq arnaviaq angisooq Qaanaamit 5 kilometerinik ungasissulimmi piniartumit aallaaneqarpoq.

Nanoq taanna qiningasuusimavoq, piniartullu tungaannavianut ingerlasimalluni. Pisariniarnerani nanoq qamutinut anngussimavoq, qamutillu kimmalerlugit, qimminullu saassussiniartarluni.

Taamaattumik inuit illoqarfiup avataanukassagunik mianersoqqullugit kajumissaarneqarput.