Qaanaap eqqaani misissuineq iluatsippoq

Qaanaap eqqani plutoniummeqarsoralugu aasaq manna misissuinerit iluatsipput.

Risømi fysikerit marluk peqatigalugit peqqinnissamut pisortaqarfimmeersut taavanilu inuit marluk innuttaasunik ataatsimiisitsipput. Ataatsimiisitsinneq soqutigineqarsimaqisoq peqqinnissamut pisortaqarfimmi pisortap Søren Rendalip oqaluttuaraa:

- 1968-imi ajutoortoqarnerup kingorna taavani innuttaasut misigisimasaminnik ataatsimiinnerni oqaluttuuppaatigut. Oqaluttuarineqartut soqutiginartorujussuupput, minnerunngitsumik inuit sumi angalasarnersut paasissallugit soqutigisimavagut. 68-imi ajutoortoqareersoq ajutoorfiusimasup nalaani plutoniumip aniaffigisinnaasaanik uuttortaanitta saniatigut ullutsinni inuit angallaffigisartagaanni plutoniummeqarasoralugu aamma uuttortaasariaqarnerput taamatut soqutiginninnitsinnut peqqutaavoq, Søren Rendal oqarpoq.

Taanna aperaarput qaqugu misissueqqissaarnissat aallartissanersut, imalu akivoq:

- Pilersaarutit malillugit 07´-imi misissueqqissaassaagut. Misiliutaasumik aasaq manna uuttortaavugut. Uuttortaanermi atortorisagut misissuinissaarsuarmi atorneqassanersut paasiniarlugu maanna Risømi misissuisoqarpoq. Misissuinerup saniatigut Qaanaami innuttaasut angalaffigisartagaasa uuttortaaffigineqarnissaat pilersaarusiorneqarpoq,

Peqqinnissamut pisortaqarfimmi pisortaq Søren Rendal naggasiilluni taama oqarpoq.

Pituffimmi, Qaanaami, Moriusami, kiisalu Qaanaami piniartut peqatigiiffiat ataatsimeeqatigineqarsimapput.