Qaanaami meeqqanik fodboldskolertitsisoqassaaq

Qaanaaq pillugu ataatsimiititaliap ataatsimiinnerani eqqartorneqartunut ilaavoq Qaanaami meeqqanik fodboldskolertitsisoqarnissaa. Tamannalu piviusunngulerpoq.

Qaanaami atuarfimmi pisortap nalunaarutigisimavaa, taamatut meeqqanik aasaanerani arsaatsitsisarnissamut akissaqarsimannginneq. Tamannalu aaqqiiviginiarlugu Inuuneritta aammalu Peqqinnissaqarfimmut Pisortaqarfik suleqatigiillutik fodboldskolertitsisoqarnissaa anguniarsimavaat, Nunatsinnilu Arsartartut Kattuffiat saaffigisimavarput, Qaanaaq pillugu ataatsimiititaliami ataqatigiissaarisoq, Bodil Karslhøj, oqarpoq.

Kalaallit Nunaanni Isikkamik Arsartartut Kattuffiani ilinniartitsinermut siunnersorti, nunarpullu sinnerlugu arsartartunik sungiusaasartoq, Jens Tang Olsen, oqarpoq, Qaanaami meeqqat isikkamik arsarnermik sungiusartinneqarnissaanut piareersimallutik.

- Qaanaami meeqqat tujuuluarassaat piareeqqapput, aammalu isikkamik arsanik pissarsissunneqareerput. Tullinnguuppoq atortussat Qaanaamut nassiunnissaat, Jens Tang Olsen oqarpoq.