Qaanaami innuttaasunik ataatsimititsineq: Inuunerput

Qaanaami innuttaasunik ataatsimiititsinerit aappaat kingullerlu ippassaq ualikkut pivoq. Ataatsimiinnermi innuttaasut Naalakkersuisunut kommunalbestyrelsimullu apeqquteqarlutillu siunnersuuteqarput.

- Qaanaami innarluutillit atugarissaanngillat, taamaammat Naalakkersuisut maaniinneranni ammasumik eqqartuinissaq pingaaruteqarpoq.

- Timersortartutnut atugassarititaasut aamma pitsaanngillat, illoqarfik qimallugu unammeqataasarnissaq ajornakusoorpoq, angalaniarneq akisoqimmat.

- Assigiimmik akeqartitsineq isumaqarpoq innaallagissamut, imermut kiassarnermullu akisunerusumik akiliisarnissamik. Uuliamut akiliutit aamma qaffattuaannarput, ulluinnarnilu atortakkat soorlu aamma akitsoriartuinnartut. Tamakku saniatigut Qaanaami akileraarutit aamma qaffapput. Taamaammat tupigusuutigaarput inuunerput oqilisarnagu ajornarnerulersiinnarassiuk.

Qaanaami innuttaasunik aappassaanik kingullermillu ippassaq ataatsimiisitsinermi apeqqutit ilaat taama nipaqarput.

Kommunip aningaasaqarniarnerata ilungersunarnera Qaanaami innuttaasut aamma pakatsinartuutippaat, pinaveersaartitsiniarnerup tungaatigut sipaarnermik tamanan aamma kinguneqarmat.

- Aningaasassaaleqinerup kingunerisaanik meeqqanut inuusuttunullu pinaveersaartitsiniarnermik suliaqarnissaq ajornakusoorpoq, oqariartuutit ilaat taama nipaqarpoq.

Naalakkersuisut uloqeqqata siorna aallannginnerminni Qaanaami kommunalbestyrelsi naggammik ataatsimeeqatigissavaat, siunissarlu qaninneq illuatungeriit isumaqatigiinniassutigissavaat, soorlu inunnik isumaginninnermut tunngasut, peqqinnissamut, inuutissarsiornermut ilinniartitaanermullu tunngasut oqaluuserineqassallutik.