Qaammatit amerlineqarsinnaapput

Qaammatit juuli aamma aggusti, kujataani takornariarfiunerpaasartut, qaammammik ataatsimik sivitsorneqarsinnaagaluarput. Taamaaliortoqartuuppat aningaasat katillugit 1 mio koruunit missaat Qassiarsummi, Narsarsuarmi, Igalikumi Narsamilu takornariartitsivinnut iluaqutaassagaluarput, taama oqarpoq Jacky Simoud, ukiuni 15-ni Narsarsuarmi takornariartitsisartoq.

Jacky Simoud umiatsiaat assigiinngitsut sisamat atorlugit Narsarsuarmiit, Qassiarsummut, Itillimut, Narsamut Qaqortumullu takornarianik angallassisarpoq. Kujataani Takornariartitsivik, South Greenland Distination, suleqatigalugu ukiuni arlaqalersuni Jacky Simoud-ip takornarianik Danmarkimeersunik Spaniameesunillu Air Greenland septemberimi Kujataanukartitsisarnissaa inassutigisarsimagaluarpaa.

- Qaammat taanna Kujataanut takornariarumasorpassuusarput. Uggornarpoq politikkerit takornarianik inerartortitsinissamik oqariartuutaanik Air Greenland malinnikkumanngimmat, Jacky Simoud oqarpoq.

Qaammat september Danmarkimiit Narsarsuarmut sapaatip akunneranut ataasiarluni Air Greenland timmisartuussisartoq qaammatini juli aamma august pingasoriartarpoq.