Qaammatip Ernera Aningaannguaq angallatileraat

Isiginnaagassiaq qaammatip ernera “Aningaannguaq” Katuap 2017-imi ukiunik 20-ngortorsiorneranut atatillugu nunannarineqaqisumik takuteqqaarneqartoq, Aasianni, Maniitsumi, Tasiilami Pamiunilu timersortarfinni februaarip ulluisa aqqaneq-aappaannit 24-ata tungaanut isiginnaartitsissutigineqartussanngorpoq.

Juaaka Lyberthip taalliai erinniaalu nuussualiamit ”Oqaluttuaneersut” 1983-mi saqqummersumit isiginnaagassiaq tunngatinneqarpoq.

Angut inuusuttoq Pavia isiginnaagassiami malittarineqarpoq, atorfikkaanngornissi siunertaralugu Danmarkimut ilinniariartortoq taassumalu misigisaasa ilai, isiginnaagassiamilu Hans Henrik "Suersaq" Poulsen pingaarnertut inuttaassalluni.

Jacques S. Matthiessen ilaatigut ilitsersuisuuvoq. Isiginnaagassiallu takuteqqinnissaanut atatillugu Leif S. Immanuelsen ilitsersuissalluni.