Qaammataasat nuannarineqarluarput
Hitlistimi CB RockChart DK-mi, manna sapaatip akunnerini aqqanilinni inissisimareerluni, januarip tallimaani nuannarineqarnerpaatut inissippoq, tassa normu 1-inngorluni.
-Attorteqaagut sulilu piumassusininneroriaannarluta, Pilu Grønvold erinniortoq taalliortoq, erinarsortoq aammalu guitarertoq oqarpoq.
Nipilersoqatigiit CD-liaat siulleq “Sinnattut” septembarimi 2011-mi 1500-nngorlugu saqqummersinneqarpoq, maannamullu 1000-it tunineqareersimallutik. Erinnat arfineq-marluk Maannamut piareersimasuutigalugit Pilup oqaatigaa, ukiullu massuma ingerlanerani, Qaammataasat CD-liassaasa aappaat saqqummersinnissaa naatsorsuutigisinnaanerarlugu.