Qaammataasaq alla nunarsuatsinnut nakkariartungajalerpoq
Amerikamiut qaammataasaataat atorunnaartoq, bussitut angissusilik, nakkutigineqarani Nunarsuatsinnut qaammatip ataatsip matuma siorna nakkarpoq, immaqagooq Manerassuarmut. Qaammataasaq alla maanna aamma Nunarsuatsinnut nakkariartupiloorpoq.
Allattoq Carla Davidsen
oktobarip 13-at 2011 15:05
Qaammataasaq, Tysklandimi avataarsualiartitsisarfiit nakkutilliitissimasaat, Rosat, nakkariaqartorpoq, ilimagineqarporlu oktobarip 20-ata 25-atalu akornanni nakkassasoq, sumulli tussanersoq ilisimaneqanngilaq.
Rosat nakkariartornermini 30-nngorluni aggulussaaq, naatsorsuinerillu takutippaat, qaammataasap sinnikui 1,6 tonsit nunarsuup qaavanut imaanulluunniit tussasut.
Rosatip ingerlaarfia avannarpasissutsimi 53-imiit kujasissutsimut 53-imut annertutigaaq, tassa Nunarsuatsinni tamassuma nalaani sumulluunniit tussinnaavoq. Tassa isorartussutsimi Berlinimimiit Amerika Kujalliup tungaanut.
Iluatsitsilaarsinnaaguttalu qaammataasaq sapaatip-akunnerani tullermi nakkarpat Nunatsinnut tunnginnissaa neriuutigisinnaavarput.
