Puulukit peqqinnanngitsutortillugit ilisimatusaatigineqarput
Nutaarsiassaqartitsivimmi Ritzauimi tamanna atuarneqarsinnaavoq.
Aarhusimi Universitetshospitalimi Skejbymiittumi aanaartoortarneq pillugu ilisimatusarnermi aanaartoornissamut qanittut tarrarsortittarnissaannik periusissamik nutaamik ineriartortitsisoqarpoq.
Puulukit ilisimatusarnermi atorneqartut immikkut toqqagaapput, taakkua aavat kolesterolimik annertuumik akoqarpoq, taamaattumillu aanaartoornissamut qanittuaraallutik.
- Aanaartoornissaat anguniarlugu peqqinnanngitsunik nerisaqartippavut, nakorsaq ilisimatuussutsikkut misissuinermik suliaqartoq, Troels Thim oqarpoq, nangillunilu oqaatigalugu, inuit amerlasuut annaakkumallugit periarfissat nutaat atorneqarnissaat pisariaqartinneqartoq.
Uummatimikkut taqqakkut milittoortartut aamma qaratsakkut aanaartoortut suliarineqartarnerat pitsaanerulersimagaluartoq, aanaartoornerit nunarsuarmi tamarmi toqussutaanerpaasarput.
