Puttasumik atomip nukiliorfiliulerput

Issittup imartaani uuliaqarnersoq gasseqarnersorlu atomimik nukiliorfiit misissussavaat, gasseqassappallu ledninginik gassimik Europamukaassuisussanik sanaartussapput. Gazpromip aamma pilersaarutigaa puttasunik marlunnik atomip nukiliorfiliornissani.

Issittup Imartaani puttasunik atomip nukiliorfiliornissaq avatangiisinik illersuiniaqatigiiffinnit akerlerineqarnissaa russit takorlooreerpaat, russilli neriorsuutigaat taamaattunik nukissiorfiliornissaq navianartoqartanngitsoq, aamma oqarlutik ukiuni 38-ni nukissiorfiit puttasut atasussaasut.

Norgemili avatangiisinut illersuiniaqatigiiffiup, Miljøvernforbunde-p, upperinngilluinnarpaa:

-Eqqarsaatiga siulleq tassaavoq puttasunik nukiliorfiliornissaq silanngajaartut isumassarsiarisimassagaat, avatangiisinik illersuiniaqatigiiffimmi siulittaasoq, Kurt Oddekalv, aviisimut Teknisk Ukebladimut oqarpoq.