Putinip nunat Ukrainemi akuliutissappata ingerlaannartumik akineqarnissaannut sioorasaarpai
Pingasunngornermi Ruslandip nunat allat Ukrainemi sorsunnermut akuliutissagaluarpata sioorasaarpai.
Nuna alla Ruslandip Ukrainemi "sakkutooqarnikkut iliuusaanut" taaneqartartumut akuliutissappat, Rusland ingerlaannartumik sakkutooqarnikkut akissuteqassaaq.
Pingasunngornermi russit præsidentiat Vladimir Putin inatsisartunut ilaasortanut taama oqarpoq.
- Avataaneersut massakkut pisunut akiuliutissagaluarunik uagutsinnullu akuerineqarsinnaanngitsunik sioorasaarillutik ilisimassavaat akissutissarput innaallannertut sukkatigaluni takkutissasoq, Putin oqarpoq.
Sakkutuut saakkut nutaaliaanerpaat atussallugit nangaajallassanngitsut oqarpoq.
- Tamatumunnga atortussat tamaasa, allat tulluusimaarutigissallugit piginngisaat, pigaavut. Uagut usorsitsaarutiginianngilavut. Pisariaqassappat atorniarpavut . Kikkut tamarmik ilisimassagaat kissaatigaara.
- Tamanna pillugu suut tamaasa aalajangereerpavut, oqarpoq.
AAMMA ATUARUK USA og dets allierede holder videotopmøde om Ukraine
Putin siusinnerusukkut oqarpoq illersoqatigiinnissamut iligiit Nato piuvusumik sorsunnermut akuusut, nunat Natomut ilaasortat arlallit, taakkununnga ilaalluni Danmark, Ukrainemut sakkunik tunniussaqareermata.
USA Natomilu ilii oqarput sorsunnrmut toqqaannartumik ilaajumanatik, akerleriit aappaat tapersersoraluarlugu. Ilaatigut tunngavigineqarpoq sorsunnersuarmik nutaamik aallartitsinissamut ulorianartorsiornerup minnerulersinniarnera.
Putinip akuttunngitsumik erseqqissartarpaa Ruslandip sakkunik nutaalianik ineriartortitsinera, Taakkununnga ilaapput missilit (rakettit igeriuttakkat qaartartullit) igeriuttakkat nipip sukkassussaanit amerlaneroriaqalutik sukkanerusut aamma Sarmat-rakettit ungasissorsuarmut igeriuttakkat.
AAMMA ATUARUK Naagga qujaannarpugut: Kalaallit Ukrainimiit qimaasunik tikisitserusunngillat
Kingulliit Ruslandip qaammammi uani siusinnerusukkut siullermeerluni misilippai. Misiliineq russit naapertorlugit iluatsippoq.
Misiliinerup Ruslandip akerai "marloriarlutik eqqarsartissavai", præsident Putin tassunga atatillugu oqarpoq.
Ruslandip Ukraine sakkutuulerpaa qaammatit marluk matuma siornatigut ulloq 24. februaari.
Russerne tamatigut aalajangiusimavaat sakkutuuliinantik sorsunnatilluunniit. Tassaanerarpaat "sakkutooqarnikkut immikkut suliaqarneq".
