Putin Tjetjeniami ajugaarujussuarpoq
Putin-ip partiia qinersisinnaasut 99,4 procentianit Tjetjeniami taaguunneqarsimavoq, Partii Ruslandimi nunat ataqatigiinnik taaneqarsinnaasoq sapaatiummat inatsisartunut qinersisoqarmat ajugaarujussuarsimasoq russit qinersinermi ataatsimiititaliaanit nalunaarutigineqarpoq.
Allattoq Jokum Nielsen
decembarip 04-at 2007 15:19
Naalagaaffeeraq Tjetjenien Ruslandimi ajornartorsiorfiusut annersarisimavaat. Ataatsimiititaliap nalunaarutigaa taamatut taaguussineq rekordtiliinerusoq.
Illua’tungiliuttut inernermik upperinninngillat isumaqarpummi inuit pinngitsaalisaallutik partiimik taasisinneqartarsimasut.
Kisiannili Ruslandimi taasinermi ataatsimiititaliap siulittaasuata tapersersuinerujussuup uppernannginneranik pasilliineq tapersinngilaa.
-Ernumaamminngilanga, qinersisartut immikkuullarissusaat ilisimaneqartariaqarpoq, una takussutissaavoq naalagaafeeqqap siuttuinik tatiginninnermik, russillu præsidentianik upperinninnermik, Nikolaj Konkin oqarpoq.
