Putinimut iluatungiliuttoq Navalnyjs toqusimasinnaagaluartoq
Russit politikikkut illuatungiliuttoq Aleksej Navalnyj napparsimasorujussuulluni timmisartumi arfininngornermi ualikkut Berlinimut mippoq.
- Peqqissusia ernumanartorujussuuvoq, Jaka Bizilj oqarpoq. Taassuma russip toqunartutortinneqarsimagunartup illoqarfimmut Omskimut aaneqarnissaa isumagivaa.
AAMMA ATUARUK Politikeri illua’tungiliuttoq parnaarussaanerminit iperagaasoq
44-nik ukiulik Navalnyj, tyskit timmisartuannit ullaassaq siniinnaleqqasoq illoqarfimmi Omskip napparsimmaviannukaanneqarpoq.
Taanna Omskip mittarfeqarfianiit Moskvamut aallanngitsiarluni tiitornermini toqunartutortinneqarsimavoq. Tiitoreernermilu kingorna napparsimarujussualerpoq.
Tyskit nakorsaat russit illoqarfiannut Omskimut Sibiriamiittumut Aleksej Navalnyj tallimanngormat aavaa, Tysklandimi katsorsarneqarsinnaaniassammat.
Putinip illersortai ileqqorlukkaangata saqqummiisarpoq Har afsløret korruption hos Putin-støtter
Navalnyj Ruslandimi politikikkut illuatungiliuttuni nuimanersaavoq, russillu præsidentiata Vladimir Putinip illersortai ileqqorlukkaangata taassuma paasiniartarlugit.
Taanna Putinip aqutsinera pillugu Moskvami akerliussutsimik takutitsinermi siulersuivoq. Taamaaliornermilu kingunerisaanik paarnaarussaasarlunilu pillagaanikuuvoq.
