Putin Issittumi sakkutooqarfiliorpoq
Putinip oqaatigaa Issittoq Ruslandip aningaasarsiornikkut sillimaniarnikkullu soqutigisaanut pingaaruteqarluinnartoq. Russit sakkutuuisa Issittumi sakkutooqarfimmik Sovjetunionip atorunnaarnerata kingorna matuneqarsimasumik sanaqqinneqartoq ilanngullugu aamma oqaatigaa.
- Europamit Manerassuarmut issittup imartaatigut umiarsuit ingerlaarfiisa illersorneqarnissaannut sakkutooqarfik pingaaruteqarpoq.
Danmarkip Radioa naapertorlugu, Greenpeacep issittup imartaani sapaatit akunneri marluk matuma siorna akerliussutsimik takutitsineranut qisuariaatitut taama oqaaseqarpoq.
Issittup Ruslandimi naalagaaffeqatigiit ilagilluinnarpaa, Putin oqarpoq, Issittumullu tunngatillugu nunat tamat inatsisaat atortinneqarnissaat akuerinagu.
Greenpeacemiut 30-t Issittup imartaani russit uuliasiorlutik qilleriviannut sapaatip-akunneri marluk matuma siorna ikiniarsarinerisa kingorna, taakku tamakkerlugit imaani piiasutut unnerluutigineqarput, tamannalu Ruslandip issittumi pisuussutiminik atorluaaniarnerminik akornusersuisunik akuersaannginneranik Putinip oqariartuuteqarneratut isiginiarneqassasoq Danmarkip Radioanit oqaatigineqarpoq.
