Pulje 2 makitsinikkut aalajangerneqarpoq
Siorna pissartanngortut B-67 Kugsak-45-mut 2-1-imik ajugaanermikkut semifinalimut anngupput, G-44-lu Eqaluk-56-imut kingorna 6-0-imik ajugaalluni.
Taamaalillutik B-67 aamma G-44 pulje 1-imi siuttuullutik semifinalimut anngupput.
Pulje 2-mi kikkut siuttunngussanersut, taamalu semifinalimut anngutissanersut, pissanngatigineqaqaaq.
Tamaani holdit tamarmik semifinalimut anngunnisaminnut periarfissaqarput, pointeqatigiissinnaammata. Qasseriarlutik isertitsimanersut qasseriarlutillu isertitsiffigineqarsimanersullu taava apeqqutaalertussanngorpoq
Taamaalisoqarporlumi. Holdit tamarmik arfinilinnik pointeqaleramik.
K-33 Kâgssagssummut 7-0-imik ajugaavoq, isertitsinerpaajugamillu semifinalimut anngullutik.
T-41 Nagtoralimmut kingorna unammivoq.
T-41 5-1-imik tassani ajugaavoq, S.A.K.-lu T-41-lu taamaasillutik pointeqatigiilerput, assigiimmillu isertitsimallutillu isertitsiffigineqarsimallutik.
Malittarisassallu malillugit taava makitsisoqartariaqalerpoq.
Inuillu tuusintilikkaat Sisimiut arsaattarfianni uppernarsaasoralugit makitsisoqarpoq, T-41-lu makinneqarluni.
Kalaallit Nunaanni Isikkamik Arsaattartut Kattuffianneersoq makitsivoq, T-41-lu tassa makinneqarluni.
Taamaasillutillu ualeru semifinalertussat tassaalerput:
Nalunaaqutaq ataatsimut unammisussat: B-67 - T-41
Nalunaaqutarlu pingasunut unammisussat: G-44 - K-33
Aajun pulje 1-mi inissinnerat:
| 1. B-67 | 4 Unammineri | Isertitat 13-2 | 10 point |
| 2. G-44 | 4 Unamminerit | Isertitat 10-0 | 8 point |
| 3. Kugsak 45 | 4 Unamminerit | Isertitat 10-5 | 5 point |
| 4. FC Malamuk | 4 Unamminerit | Isertitat 5-16 | 3 point |
| 5. Eqaluk 56 | 4 Unamminerit | Isertitat 3-18 | 1 point |
Aajuna pulje 2-mi inissinnerat:
| 1. K-33 | 4 Unamminerit | Isertitat 11-3 | 6 point |
| 2. T-41 | 4 Unamminerit | Isertitat 8-3 | 6 point |
| 3. SAK | 4 Unamminerit | Isertitat 8-3 | 6 point |
| 4. Nagtoralik | 4 Unamminerit | Isertitat 4-7 | 6 point |
| 5. Kâgssagssuk | 4 Unamminerit | Isertitat 5-16 | 6 point |
Aajuku tallimanngornermi unamminissat:
Kl. 13.00 B-67 - T-41 (tv-mi radiomilu toqqaannartumik)
Kl. 15.00 K-33 - G-44 (tv-mi radiomilu toqqaannartumik)
Kl. 17.00 Eqaluk 56 - Kâgssagssuk (9-10-nngorniunnerit)
Kl. 19.00 Nagtoralik - FC Malamuk (8-7-nngorniunnerit)
