Pujortarunnaarnissamut piareersimavit?
Nuummi Dronning Ingridep napparsimmavissuani sulisut aallartereerput nakorsiat aperisarlugit pujortartarnersut aammalu pujortarunnaarnissamik eqqarsaateqarnersut.
Periuseq taanna sineriammut siammannariarneqarpoq, peqqissaavinnilu sulisut periutsimik tassannga oktoberimi pikkorissarneqassapput. Pujortartarnerup akiorniarnerata sukaammineranut pissutaavoq innuttaasunik misissuinerup kingulliup takutimmagu inersimasut 70 procentii pujortartartuusut.
- Pujortartarneq navianarluinnartuuvoq, nappaateqakulassutaasarluni inuunikippallaarnermullu pissutaalluni. Taamaammat periuseq nutaaq atorlugu pujortarunnaarusuttunik ikorfartuinissaq immikkut eqqumaffigineruligassatut toqqarsimavarput, inuunerissaanermi suliniummut aqutsisuusoq nakorsaq Michael Lynge Pedersen taama oqarpoq.
Pujortartarnerup akiorniarnerata sukaamminera pujortartarnerup inatsisip siorna oktoberimi atulersumik sukaamminerata malitsigivaa, der trådte ikraft i oktober sidste år, Peqqissutsimut Naalakkersuisoq Agathe Fontain ilisimatitsivoq.