Pujortartitsinaveersaarneq iluatsippoq
Aasami atuanngiffeqareernerup kingorna Danmarkimi atuartut tuusintilikkuutaartut qallunaat pujortannginnissamik suliniutaanni manna tikillugu annertunerpaami peqataassapput, tamatumani inuusuttut angajoqqaatik uppernarsaasuliullugit ukioq ataaseq pujortannginnissaminnut atsiussallutik.
Atuartup isumaqatigiissut eqqortippagu, taanna Ipod-imik pisaarnissaminut makitsinermi peqataassaaq, Rikke Møller Larsen, Aalborgip eqqaani Roskovimi Vester Hasting Skolemi ilinniartitsisoq taama oqarpoq.
Atuartut ilatik ilumut unammisitsinermi tamatumani peqataanersut isumatigiissummillu maleruaanersut marsimisaartarpaat.
Rikke Møller Larsenip 7. klassemi atuartuutai 42-t pujortannginnissamik isumaqatigiissummi misiligutaallutik siorna peqataapput, pujortarnerullu sunniutigisartagai ulorianartut pillugit atuartitsinermik toqqaannarnerusumik aamma tamanna malitseqartinneqartarluni.
- Misileraarusaartarpugut soorlu pujortarpallaarnermit pualluuteqalerneq qanoq ittuunersoq misilitsittarlugu, soorlu assersuutigalugu suliaqaatigaluni milluaatilerlunilu anersaartorniarnerup qanoq erloqinartiginera misilittarlugu, tamannalu ajornangajavittarluni, Rikke Møller Larsen naggasiivoq.
Misiligaaneq taaneqareersutut Danmarkimi tamarmi atuartunut kajumissaarutigineqassaaq.
Atuartut 20.000-it aasami atuanngiffeqareernerup kingornatigut misiligaanermi Kræftens Bekæmpelse-p aamma Syddansk Universitetip aaqqissugaani peqataassapput. DR-imit taama ilanngutassiipput.
