Pujortartarunnaarnissamik ilinniartitsipput

Qanoq iliornikkut pujortartarunnaarnissamik ilisimasallit pingasut, Kræftens Bekæmpelse-meersut, maanna nunatsinniipput.

Ullutsinni nunatsinni pujortartartut Danmarkimi 1950-ikkunnisut ipput, tassa amerlanerpaat pujortartarmata, meeqqallu aqqaneq-marluliisimanatilluunniit pujortartalersarlutik.

Qeqqani kommunit pingasut, Nuuk, Sisimiut Maniitsorlu, qanoq iliornikkut pujortartarunnaarnissamik ilisimasallit aggersarsimavaat, ajornartorsiullu aaqqiivigineqarnissaa siunertaalluni. Meeqqat pujortartalinnginnissaat pingaarnertut suliniutigineqarpoq.

- Perorsaasut ilinniartitsisullu pujortartarneq pillugu meeqqanik oqaloqatiginnittarnissaat ilisimatuunit ilinniartitsissutigineqarpoq. Pujortartarneq apeqquserlugu, kammalaatigiillu pujortartarnerat piinnarlugu pujortartalersarnerat akiorniarneqarpoq, Sisimiuni pinaveersaartitsinermut siunnersortip Âníse Svane Johansen oqarpoq.

Inuit 70 procentii nunatsinni pujortartartuupput.