Puisit neqaat panertitat tunisassiarineqalerput

Kangiamiut nerisassanik akoorisarnerattut puisit neqaat panertillugit akuukkat Jerky(Djürki)-nik taaguuserneqarsimasut, Maniitsup Kommuniani ukioq kingulleq piareersarlugillu ukioq manna tunisassiarineqarsimapput. Puisit neqaat saattuaranngorlugit qasilittulersorlugit panertitat, qasilialaarnermikkut imigassartuutigineqarsinnaaneri takorloorneqarput, soorlu Whisky-tuutigalugit.

Qaqortumi Ammerivik allartitsisuuvoq. Suliffeqarfiup pigisaa Greenlandic Leeped Solution allartinneqarsimavoq, ulluinnarni GLS–mik taaguutilik.

GLS februaarip qaammataani aasarlu feriap aallartilernerani puisit ilivitsut katillugit 200–t Napasumi tunitsivimmut Maniitsumilu tunineqarsimapput. Tamaani puisi ilivitsoq igitaqarnani tunisassiarineqarpoq. Neqaa panertinneqarpoq, orsua Ammeriviup Danmarkimi suleqatigisaanut nassiunneqarpoq, paasiniarneqarmat puisip orsua nerisassiornermut siatsissutitut atorneqarsinnaanersoq puisillu sinnera qimminut tunisassiarineqarluni.

Suliffeqarfik Maniitsumut maanna nuunneqarsimavoq, maannalu utaqqineqaannarpoq Inuussutissalerinermi Nakkutilliisunit tunisassiornissamut akuerineqarnissaq.

Sapaatip akunnerani kingullermi suliffeqarfimmik aallarniisoq, Ammeriviup pissortaanera Michael Nielsen Kujataata Radioanut oqarpoq, puisit neqaat Jerky-t Maniitsumi Nuummilu tuniniarneqartut aammalu Qaqortumut apuutilersut.

-EU –mit akuerineqarutta kiisalu Inuussutissalerinermik Nakkutilliisut akuerippatigut, tuniassiagut Danmark–imi pisisartunit soqutigineqarnersut paasiniarlugu tuninialissavagut, Michael Nielsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat