Puisit nalunaaqutsersorneqartarlernissaannut EU ikiuukkumavoq
- Puisinut tunngasortaani siusinnerusukkut oqaatigereerpara Parlamentip Kommissionillu aalajangernerat allanngortinneqarsinnaagunanngitsoq, tamannalu aamma uppernarsartutut oqaatigisariaqarpara, Kuupik Klesit oqarpoq, nangillunilu:
- EU-Kommissioniminngaaniit pingaartinneqarluni saqqumilaartinniarneqartoq tassaavoq, naggueqatigiit Inuit pisarisartagaanninngaanniit tunisassiat tassaalissammata EU-mi kisimi tuneqqusaasut, taamaalillunilu naggueqatigiit Inuit EU-mut kisermaassillutik puisininngaanniit tunisassianik tuniniaasinnaatitaalissasut, naak ukiuni kingulliunerusuni malugereeripput tunisaqarsinnaaneq ajornarsisorujussuunikuugaluartoq. Kisianni immaqa nuannaajallartutut oqaatigineqarsinnaasoq tassaavoq, EU-Kommissionip nalunaarutigimmagu ilisarnaasersuinermut tunngasut, puisininngaanniit tunisassianut naggueqatigiit Inuit piniariaatsit akuerineqarsinnaasut qangaaneersullu atorlugit puisinit pisaanninngaanniit tunisassiat ilisarnaasersornissaannut suleqataajumanertik nalunaarutigimmassuk, aamma neriuutigaarput aningaasartuutaanerannut tunngasunut EU-Kommissioni aamma peqataajumaassasoq, naalakkersuisut siulittaasuat Kuupik Kleist naggasiivqo.
Tusagassiortunik ullumi katersortitsinermi aamma erserpoq, Issittumi politikkeqalernissaq EU-p kissaatigigaa, Issittumilu nakkutilliisoqartalernissaanut qinnuteqareersimalluni.
Taakku tamarmik Kalaallit Nunaannit tapersersorneqarput, Kuupik Kleistilli erseqqissaatigaa, taamaattoqassappat Kalaallit Nunaanni pissutsit EU-p iserfigilluartariaqarai, Issittumilu najugalinnut soqutiginnittariaqartoq.
