Puisit danskit aalisartuisa ajornartorsiutigigaat
Puisit Danmarkimi eqqissisimatitaapput, aalisartunullu ajornartorsiutaasut nalunaarusiami inerniliunneqarluni.
Puisimmi ima ajornartorsiutaalertigipput, sinerissamut qanittumi aalisarnerup siunissaa allaat apeqquserneqartalerluni. Nalunaarusiami tamanna atuarneqarsinnaavoq.
- Aalisartut pisarisartagaasa 10 aamma 20 procentii puisinit ajoquserneqarsimasarput, amerlanerusinnaappulluunniit. Assersuutigalugu sulisartut akissarsiatik 20 procentinik ikilippata, taava inuit amerlanerit tamanna ajornartorsiutitut nalilissagaat isumaqarpunga, aalisarnermut siunnersorti Karsten Krogh, nalunaarusioqataasoq oqarpoq.
AAMMA ATUARUK Puisi motorvejimiittoq kuukkut nunap timaanukarsimassangatikkaat
AAMMA ATUARUK Danmarkimi motorvejimi puisi siumoraat
Puisit aalisakkanik nerisaqarnerat pissutaalluni aalisartut ataasiakkaat qaammammut 5.000 aamma 25.000 koruunit akornanni annaasaqartartut oqaatigineqarpoq, aalisartullu annaasaqarnini pillugu taarsiivigitinnissani noqqaassutiginiaruniuk aalisakkat ajoqusersimasut takussutissatut assiutigisariaqassavai, Karsten Krogh oqarpoq.
Sverigemi aalisartut maanna taarsivigineqarsinnaatitaapput, agguaqatigiissillugulu ukiumut 35 millionit koruuninik taarsiivigineqartarlutik.