Puisi motorvejimiittoq kuukkut nunap timaanukarsimassangatikkaat
Uumassusilinnik ilisimatooq Rune Kristiansen Kattegatcenterimeersoq taama isumaqarpoq.
- Aarhusip kuuatigoorsimanissaa ilimanarnerpaavoq. Puisit ilaatigut Skjernip kuuani Vardellu kuuani siumortakkagut amerligaluttuinnarput, ilaatigut kilometerit 20-t nunap timaanut ingerlaartarsimallutik, Rune Kristiansen Ekstra Bladimut taama oqarpoq.
Uumassusilinnillu ilisimatuup puisip assartorneqartilluni katataasimanissaa ilimaginngilaa.
- Danmarkimi sumiiffinni arfiniliinnarni puisiuteqartoqarpoq, tamakkuninngalu suliaqartoq puisimik katataqarnavianngilaq, aammali inuinnarmit puisimik nassaarsimasumit katanneqarsimaratarsinnaavoq, Rune Kristiansen taama oqarpoq, puisillu pinngortitamiitiinnartarnissaat kaammattuutigalugu.
AAMMA ATUARUK Danmarkimi motorvejimi puisi siumoraat
- Puisip piaraanik sissami siumugaqaraanni suneqassanngilaq, nammineertussanngormammi anaanaminit qimanneqarsimassammat, uumassusilinnik ilisimatooq taama oqarpoq.
Politiit puisimik uumasumik siumugaqartoqarsimaneranik ullaaq nal. 08.42 kalerrinneqarput, tamannalu Aqqusinernut qullersaqarfimmut ingerlateqqinneqarpoq apuukkamilli puisi biilinit aporneqarluni toqusimavoq.
Puisi Aarhusip eqqaani Holmemi maanna Falckeqarfimmiitinneqarpoq timaalu kingorna igitassanngortinneqarumaarluni.