Inuussutissarsiutit Kulturi

Puisit amiinit atisaliat Milanomi nittarsaanneqarput

Amernik atisalianik ilusilersuinermik unammisitsinerit nunarsuarmi annersaanni, Milanomi ingerlanneqartumi, ilusilersuisartoq Danmarkimeersoq Louisa Reinholt puisit amiinik ilusilersukkani pillugit sapaatit-akunnerata siuliani akissarsitinneqarpoq.

Allattoq Inge S. Rasmussen

marsip 18-at 2016 13:31

Nutserisoq Simon Uldum -

Aviisi Sermitsiaq ullumi saqqummersoq taama allaaserisaqarpoq.
Unammisitsineq amernik tunisassiortut kattuffissuata IFF-ip ilusilersukkanik ukiumoortumik saqqummersitsinerani Remiximi Italiami Milanomi ingerlanneqartumi pivoq.

Ilusilersuinermik ilinniartut 1000-it missaanniittut nunanit 25-nit amerlanerusuneersut unammisitsinermut peqataapput.
- Ajugaatinneqartullu ilaat puisit amiinik suliaavoq, Great Greenland taama ilisimatitsivoq.

Aamma atuaruk ASSIT Puisit amii tunisaarpianngikkaluartut isumaqatigiissusioqqittut

Aamma atuaruk Ditte Sorknæs: Skandinaviamiut puisit amiinik utaqqiinnarput

Remixip ukiuni 14-ini oqaluttuarisaanerani siullerpaamik isiginnaartut toqqagaannik ukioq manna akissarsisitsisoqarpoq. Najuuttut tamarmik taasitinneqarput, Louise Reinholdtillu puisip amia atorlugu atisaliani ajugaassutigai.
Taanna Koldingimi Ilusilersuinermik ilinniarfimmi ilinniagaqarpoq, suliaminilu pingasuusuni puisit amii nalinginnaasumik qalipaatillit aamma aappalaartumik, tungujortumik, aappilarajuttumik, qernertumik auberginetullu qalipaatillit atorsimavai, najuuttullu taakku alutorsaatigilluarsimavaat.
- Atisaliannik atuerusuttoqarnera qujamasuutigeqaara, Louise Reinholdt Sermitsiamut taama oqarpoq.