ASSIT Puisit amii tunisaarpianngikkaluartut isumaqatigiissusioqqittut
Suliffeqarfiit taakku Kopenhagen Furip Glostrupimi ukiumut tallimaria amminik akitsorterussisarnerani Europami puisit amiinik tunisineruniarlutik 2013-imiilli suleqatigiilernikuupput.
Great Greenland A/S-ip Kopenhagen Furillu tuniniaanissamik suliniutit akitsorterinerillu ingerlaannarnissaannik nutaamik isumaqatigiissusiorput, qallunaallu suliffeqarfiutaata ilaani, Kopenhagen Studiemi, puisit amiisa atisalioriaatsini nutaamik atorneqarnissaanik misileraassalluni.
Kopenhagen Furimi februaarimi akitsorterussinerni pisisartut arfiniliinnaat takkuffigisaannit, puisillu amiinit 13.000-init 1.400-innaat tunineqarfiannit, sapaatip akunnera qaangiutiinnartoq isumaqatigiissusiortoqarpoq. Agguaqatigiissillugu akit februaarimi akitsorterussinerni appasipput, natserit amii 181 koruuneqartut, aataat amii 378 koruuneqarlutik.
Aamma atuaruk Puisit amiinik Great Greenlandimut pisiniarneq pisariuvoq akisullunilu
Aamma atuaruk Puisip amiinik tunisassiat tuniniarneqarnerat nukittorsaqqugaat
Kopenhagen Furillu ilimagisaanit appasinnerusut, tuniniaanermut pisortap Kasper Reinbarcherip oqaatigaa.
Akitsorterussinermi tullermi, apriilimi pisussami, puisit amiinik tunisinerunissartik Kopenhagen Furip neriuutigigaa, Kasper Reinbarcher oqarpoq.
- Puisit amii kusanartut Qaqortumit nassiunneqarput - natserit meqqukitsut aataallu amii misunneqanngitsut, pisiariumaneqarluartartut, pisisartuttalu upernaaru niuffatsitsinissanut suut pisiarissanerlugit nalunngeriissavaat, tuniniaanermut pisortaq tusagassiutinut allappoq.
Aamma atuaruk Great Greenlandip pisortaata EU-p meqqilersuinissaa kissaatigaa