Puisit amiinik tunisineq ammaqqippoq
Novembari naallugu puisit amiisa tunisaaginnarnissaannut Naalakkersuisut qinnuteqaataat, aningaasaqarnermut ataatsimiititaliap akuersissutigaa.
novembarip 17-at 2010 10:07
Taamaalilluni aningaasat 1,5 million koruunit tapiissutigineqarput. Tassalu puisit amii 3.700-t maanna tunineqarsinnaalerlutik. Taama Piniarnermut naalakkersuisoq, Ane Hansen, nalunaaruteqarpoq.
Great Greenlandip aamma KNAPK-p isumaqatigiissutaa naapertorlugu ammit 5.500-t sinneruttut decembarimi immikkoortitatut tunineqartussaapput. Taakkua nalliuttut sioqqutitsiarlugit isertitaqarsinnaanermut periarfisssiinissaq qulakkeerniarlugu illikartitaapput.
Ane Hansenip ilanngullugu nalunaarutigaa novembarimi amernik tunisisinnaaneq aatsaat ammarneqassasoq Great Greenland nalunaaruteqareerpat.
