Puisit amiinik tunisassiat akii apparujussuarput
Puisit amiinik EU-mut eqqusseqqusiunnaarnissamik Europa-Parlamentimi aalajangiisoqareersorli akit apparujussuarput, uffa suli inerteqqut atuutilinngitsoq, taama DR-imi ullumi allaaserinnittoqarpoq.
Allattoq Najaaraq Egede
Tunisat affaannarmik aappaagu akeqassangatinneqartut, akilinermiut nutaarsiassaqartitsivianni Nunatsiaq Newsimi allaaserineqarpoq.
Canadami amminik tuniniaasarfissuaq Fur Harvesters Auction, ukiormanna amminik 10.000-inik pisiaqartoq, aappaagu amminik 3.000-iinnarnik pisissamaarpoq.