Puisit amiinik nioqquteqaqqusiunnaarneq sunniuteqarnerlussaaq
- Naak Inuit ilaatinneqanngikkaluartut puisit amiinik nioqquteqarnerup ajoqisumik Great Greenlandimik eqquisup, Kalaallit Nunaannilu piniartortatta puisip ameerniarnerannik tamakkiisumik navianartorsiortitsisup ingerlaannarnissaa aarleqqutigaara Finn Karlsen allappoq , nangillunilu, qularinngilluinnarpara EU-mi puisit amiisa inerteqqutaalernissaannik eqqartuinerinnaalluunniit, Great Greenlandip puisit amiinik 200.000-inik toqqortarinniinnalerneranik kinguneqartoq, Aalisarnermut, Piniarnermut Nunalerinermullu naalakkersuisuugallartoq Finn Karlsen oqarpoq.
Imalu nangilluni - Uanga nammineerlunga piumanerugaluarpara EU-p puisit amiisa eqqunneqarnissaannut inerteqquteqannginnissaa. Aalajangiineq misigissutsinik tunngaveqarpoq pissusiviusunik tunngaveqarnani! Kalaallit Nunaata Canadallu akornanni minnerpaamik 8 mio-ninik puiseqarpoq sakkortuumik killilersorneqartumik illersorneqarsinnaasumillu toqunneqartartunik. Naggasiullugu Finn Karlsen oqarpoq kalaallit ameerniarnerata ajutoorluinnarnera ingerlaannassappat Namminersornerullutik Oqartussat tamatuma sunniutaasa WTO-mut nalunaarutiginissaannut periarfissaq isumaliutiginiaraat, Finn Karlsen oqarpoq.
