Puisit amerlassussaat naleqqussartariaqarput
Nunani Avannanerleni sinerissamut qanittumi aalisartut suleqatigiiffiat, Norgemit, Nunatsinnit, Ruslandimit, Canadamit, Savalimmiunillu aamma Newfoundlandimit ilaasortaaffigineqartoq taama nalunaaruteqarpoq.
Suleqatigiiffiup taassuma ukiumoortumik ataatsimiinnerani, ilaatigut atsioqataalluni peqataavoq KNAPK-mi pisortap tullia Tønnes Berthelsen.
Nunat Avannarlerniittut nunat puisit amiinik, neqaanik iginneranillu tunitsivissarsioqqullugit Nunat suleqataasut tamatuma saniatigut kajumissaarutigaat - puisit taamaalillutik ajunnginnerpaamik atorluarneqarniassammata.
Puisit nakorsaasiornermi atorneqarsinnaanerinik ilisimatusarnerup ingerlateqqinneqarnissaa ilanngullugu kajumissaarutigineqarpoq, soorlu ilaatigut uummatip miligaanut taarsiullugit atorneqarsinnaanerat ilanngullugu.