Puisip amii kingumut akerleriissutaalerput
Puisit amiisa kitaani illoqarfinni februaarip 15-ianni 2010-mi tunisaajunaalernerat illuatungeriit akerleriissutigaat.
Allattoq Judith Hard Peilmann
februaarip 08-at 2010 14:47
Great Greenland Namminersorlutik Oqartussanut kiffartuussinermut isumaqatigiissutigaat puisit amii 55.000-it tunineqassasut.
Taama ikilitiginerisigut Avannaani, Tunumi nunaqarfinnilu puisit amiinik tunisineq killilersorneqaqqunagu kitaani illoqarfiit pilliutaalerput.
Ilulissaniit Nanortalik tikillugu februaarip 15-aniit puisit amii tunisaajunnaassapput, tamannalu KNAPK-mit illoqarfinnilu piniartunit tusarlugu aalassatsiteqaaq.
-Avannanni, Tunumi nunaqarfinnilu 40.000-t missaat tunineqarsinnaammata sinneri 15.000-it illoqarfiit agguartariaqassavaat, taama aalajangerneq KNAPK-p ulluinnarni aqutsisuisa aqaguagu pingasunngornermi ataatsimiissutigissavaat.
Ilanngutassiaq unnugu Qanorooq-mi takuneqarsinnaavoq.
