Puilasumik qalattumik nassaarput
Kalaallit Nunaata Norge-llu akornanni, Illoqqortoormiut kangimut avannaatungaani, imartap naqqani qalattumik puilasoqartoq schweizimiut ilisimatuut paasivaat.
aggustip 06-at 2008 08:05
Puilasoq, immap naqqani 2400 meterisut ititigisumiittoq, 400 gradit missaani kissassuseqarpoq.
Immap naqqani puilasut taamaattut ”black smokers” –nik taaguuteqartinneqartut 1977-imi qeqertani Galapagosini siumorneqaqqaarput, ilisimatuullu oqaatigaat aatsaavissuaq issittup imartaata naqqani ”pujorsuarnik qernertunik” siumuisoqartoq.
