Puiguttorsimasoq tammaraluartoq
Angut 71-inik ukiulik puiguttorsimasoq, Nuupilummi, Qaqortup eqqaaniittumi, aallaarsimaaqataatilluni tallimanngormat tammaaneqalermat, politiit kalerrinneqarput.
Allattoq Louise M. Kleemann
Ujaasineq aallaqqaammut kinguneqanngitsoorpoq, ajutoortoqarsimanissaalu ernummatigineqalerluni.
Ujaasisoqarnerani angut 71-inik ukiulik illuminut isertoq qatserisartumit takuneqarpoq, angullu utoqqaq qasusimaqisoq ajunngitsorli politiinit naammattoorneqarluni..
Politiit oqarnerat naapertorlugu angutip utoqqaap aallaarsimaaqataanini puigorsimavaa, angerlarnissanilu aalajangiussimallugu.
Angutip 71-inik ukiullip, nalunaaquttap akunneri pingasut affarlu atorlugit Qaqortup tungaanut aqqut 11-12 kilomeeteri pisussimavaa.