Puigortunngorneq pillugu filmiliaq qanigisaasut aallartippaat

KNR.gl-mi allaaseraarput puigortunnguanq pillugu filmiliaq suliarineqartoq. Taanna Nuummi qanigisaasunit aningaasalersorneqarpoq. Siunertaavoq nappaat taanna erloqinartulik pillugu filmit pingasut suliarineqassasut.

Allaaserisami siullermi eqqaaneqanngilaq filmip pilersinniarnera Nuummi qanigisaasut aningaasassarsissussimagaat. Arnat sisamat nappaammik qanimut misigisaqarsimasut Nuummi qanigisaasut peqatigiiffiannik aallartitsipput nappaat ilisimaneqarnerulersinniarlugu ukiuni kingullerni nunani tamalaani takussaagaluttuinnarmat.

- Qanigisaasuni tunngavissinniarsimavarput filmit pingasut suliarineqarnissaat, tassanilu tunuliaqutaraagut qanigisaasutut puigortunngorneq pillugu misigisarsimasagut. Taamaasilluta takutikkusussimavarput nappaat eqquigaangat qanoq iliortoqarsinnaanersoq. Uagummi nammineq nappaatip qanoq iliuuseqarfiginissaa nalornissutigisimavarput, misilittakkavullu taamatut migisisaqartunut ingerlateqqikkusuppagut, Nuummi qanigisaasuniit Malene M. Nielsen oqarpoq.

Malene Nielsen, Aviaja Rohman, Mikol Lyberth aamma Avijâja Absalonsen aningaasanik katersuiniarsimapput filmiliornermut atugassanik.

- Aningaasat aningaasaateqarfiit peqatigiiffiillu Danmarkimiittut Nunatsinniittullu, Namminersorlutik Oqartussat, kommuunit suliffeqarfiillu iluaqutigalugit katersorsimavagut. Kikkorpiaat tapersiisimanersut tusarliunnianngikkallarparput kisianni tapersiinerat qujamasuutigeqaarput, Malene Nielsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat