Puigornermik nappaat sioqqutsinikkut paasineqarsinnaalissagunarpoq
Puigornermik nappaat Alzheimersip pinngoriartuaanneranik suut pissutaanersut aammik misissuinikkut paasineqarsinnaanngorunarput.
Tuluit nutaarsiassaqartitsivianni Reutersimi taama allaaserinnittoqarpoq.
Proteinit 18-it misissorneqarsimapput. Proteinit pineqartut eqqaamannissinnaanermut atorneqartarput, Alzheimerimillu, tassa puigornermik nappaateqalersinnaaneq tassuunatigut paasineqarsinnaanngorunartoq atuagassiami “Nature Medicine”-imi allaaserineqarpoq.
Puigornermik nappaateqalersinnaaneq siusinaarluni oqaatigineqarsinnaanngorunarpoq. Ukiut arfinillit tikillugit sioqqutsisoqarsinnaalissagunarluni.
Naalagaaffiit Peqatigiit peqqinnissakkut suleqatigiiffiat WHO naapertorlugu inuit 18 millionit puigornermik nappaateqaqarput.