Pualanerat tupinnanngilaq
Amerikamiut pualavallaarnerarneqarlutillu oqimaappallaarnerarneqartarnerat tupinnarpallaanngilaq.
Burgererujussuaq neriniartarfiit ilaanni nerisassat allassimaffianni inniminnerneqarsinnaanngungajalerporooq.
Nerisassaq peqqinnanngeqisoq taanna 55 kiilunik oqimaassuseqarpoq – pom frittilernagu.
Akui:
Nersussuup neqaa aserortigaq 36 kiilu, boorlutassaa 13 kiilu, naatitat assigiinngitsut, mayonnaisi, tomaatit, ketchup, picklesit, siinuppi immussuillu kitseriikkat 160-it. Burgererujussuarooq taanna 120.000-init minnerunngitsumik kaloriaqarporooq; soorlu amerlanerit qaarsillarnarissagaat?
Aaqqissussinerit ajunngisaarniarnertallit ilaannut burgerersuarmik taamaattumik sassaallerniarluni Pennsylvaniami Clearfieldimi neriniartarfimmik piginnittoq eqqarsaannarsimagaluarpoq, taamaattutorusukkaannili ungasinngitsukkut inniminniisoqarsinnaalissaaq, taamaallaat 193 dollareqarpoq, tassa 1100 koruuni.
