Præsidentimut tullersortitut piukkussap pania naartuvoq
USA-mi republikanerinit præsidentimut tullersortitut piukkunneqartup, Sarah Palinip, pania, 17-inik ukiulik, qaammatit tallimassaanni naartusoq, Sarah Palinip ilisimatitsissutigaa.
Allattoq Louise M. Kleemann
septembarip 02-at 2008 12:38
Sarah Palin konservativiuniartorujussuusutut ilisimaneqarpoq, upperisamillu pingaartitsisutut ilisimaneqarluni.
Panimmi ataatanngortussallu meerartaannginnerminnni katinnissaat Sarah Palinip erseqqissaatigaa.
Palinip paniata naartunera USA-mi præsidentimut qineqqusaarnermi sammineqartorujussuanngorpoq. Sarah Palin Alaskami guvernøriuvoq, inatsisillu unioqqutillugit sulisorisamik soraarsitsisimanersoq misissuiffigineqaleruttorluni.
Sarah Palin tallimanik meeraqaatigaluni qinikkatut sulisinnaanersoq USA-mi aamma oqallisigineqangaatsiarpoq.
Republikanerit præsidentissatut piukkussaata John McCainip qineqqusaarutissamittut pingaartitaasa taamatut oqallittoqartillugu tunulliunneqartuulernissaat aamma ernummatigaa.
