Præsident Putinip partiia ajugaassangatinneqarpoq
Qinersisartut 80 procetiisa Præsident Putinip partiia qinerniarpaat, qinersisartut isumasiorneqarnerani tamanna takuneqarsinnaavoq.
Ruslandimi qinersisinnaasut 109 milliuunit missiliorpaat, Ruslandimilu tamarmi nalunaaquttap nikinganeri assinnginngitsut aqqaniliupput. Qinersiartortut siulliit qinersiartortut nunap immikoortuani Tjokotkami najugaqarput, ilaatigut naggueqatigiit inuit tassani najugaqarlutik.
Qinersiartortut ikittuinnaanissaat pisortanit ernummatigineqarpoq, taamaattumillu attaveqaatit tassa teleselskabit assigiinngitsut atuisuminnut oqarasuaatikkut angallattakkat atorlugit nalunaarutinik nassiussuipput, qinersisartut qinersiartornissaannik kajumissaarillutik.
Qinersinermi taasinerit kisinneqarnerisa amerlanersaat unnuup ingerlanerani naammassineqarsinnaassangatinneqarput, taamaalineranilu qinersinerup inernera siumut oqaatigineqarsinnaajumaarluni.
