Præsident Bush-ip nalunaaqutaaraa tillikkaat

Amerikap præsident-ia Bush sapaatiummat Albaniami tikeraarnermini nalunaaqutaaqqani tillitippaa. Albaniamiut ussallutik præsident Bush ilassiorpaat eqitaartarlugulu, taamaalineranilu nalunaaqutaaraa tillinneqarpoq. Præsident Bush-ip europami angalanerani, nunani tikiffigisaani akerliussutsimik takutitsiffiusarput, Albanimili Albaniamiunit tikilluaqquneqangaarpoq, naak politeerpassuarnik piareersimatitsisoqaraluartoq, Bush-imut taassumalu naalakkersuisuinut, Irak-imi sorsunnermut isumaqataanngitsunik, Guantanamo-milu parnaarussiveqarneq pillugu akerliusunik takutitsisoqanngilaq. Kosovo-p siunissaa pillugu aaqqissuuteqarnissamik Bush-ip neriorsuuteqarnera, Albaniamiut iluarisimaarpaat.

Bush-p nalunaaqutaaraa tillinneqarsimanersoq, præsident-ip najugaqarfigissaannit Det Hvide Hus-imit ilumuunnginnerarneqarpoq, sumulli pisimanersoq nassiuaatissartaqartinneqarani. Internet-ikkut nittartakkami You Tube-mi tamanna takuneqarsinnaavoq.