Printerit navianartumik aamma aniatitsisarput

Sulisutik peqqissuunissaat suliffeqarfiit pingaartinniarunikkit, suliffeqarfimmi pujortartarfiunnginnissaat saniatigut iluamik silaannarissartarnissaat isumagisariaqartassavaat. Printerit toneriisa, tassa qalipaasisartuisa peqqinnanngilluinnartunik imaqartartut Australiami ilisimatuussutsikkut misissuinerit takutippaat.

Pujortartarnerup navianassusiattut ittunik printerit aniatitsisartut paasineqarsimavoq.

Printerit pingasuugaangata ataaseq pisoqaavallaarluni navianarsinnaasunik aniatitsisartoq misissuinermi paasineqarpoq.

Queensland University of Technology-mi ilisimatuut maanna mianersoqqusitsilerput, printerillu navianarsinnaasut nalunaarsorneqarnissaat piumasaralugu.

Printerit silaannarissarluakkami aamma inissinneqartarnissaat ilisimatuut innersuussutigaat.

Printerit assigiinngitsut 60-it misissorneqarsimapput, aniatitaallu najuussorneqarpata puaat piffissaq ungasinnerusoq isigalugu ajoqusersinnaapput, aningorsinnaanngisamillu nappaateqartoqalersinnaalluni.

Printerit nutaamik qalipaasersuisartulerneqarsimasut, printerillu titartakkanik assinillu printerisartut navianarnerpaajusut misissuinermi aamma paasineqarsimavoq.