Prinsi prinsessilu inunngorput
Kunngissap nulia Mary ullaaq meerartaarpoq. Anaananngorlaaq marlulissallu tamarmik ajunngitsut nalunaarutigineqarpoq.
Allattoq Louise M. Kleemann
Nukappiaraq Danmarkip nalunaaqutaa naapertorlugu ullaakkut aqqanernut qiteqquttoq Rigshospitalimi inunngorpoq, nalunaaquttallu akunnerata affaa qaangiuttoq niviarsiaraq inunngorluni.
- Ernineq tamaat malinnaaffigaara. Meerartaarneq inuunermi misigisaavoq annerpaaq, kunngissaq nuannaaqisoq tusagassiortunut Rigshospitalip saavanut katersuussimasunut taama ullaaq oqaluttuarpoq.
Prinsiaraq 47 centimeterinik angitigivoq 2647 gramminillu oqimaassuseqarluni, prinsessiaraq 46 centimeterinik angitigivoq 2554 gramminillu oqimaassuseqarluni.