Prins Joachim ilaquttanilu Parisimut nuulersut

Prins Joackim Frankrigip sakkutuuini aqutsinermik qaffasissumik ilinniagaqartussanngorpoq.

Ilinniarneralu Parisimi École Militairemi pissaaq, septembarimit 2020-mi aasap tungaanut sivisussuseqassalluni.

Ilinniarneralu sapaatit akunneranut ulluni arfinilinni pisassaaq, taamaattumillu nulia prinsesse Marie qitornaalu prins Henrik aamma prinsesse Athena Frankrigimi illoqarfiit pingaarnersaannut nooqataassapput.

Ilinniarnera marlunnik immikkoortoqarpoq, sakkutuutut sulinermut tunngasoq, aappaalu aqutsinermut tunngasoq. Prinsi taamaalilluni sakkutooqarnikkut pilersaarusiornermi aqutsinermik, nunani tamalaani pissutsinik, politikkimik ajornartoornermilu aqutsinermik ilinniagaqassaaq.

Ilinniarfik Danmarkimeersumik siullerpaamik ilinniartoqassaaq. Frankrigip præsidentiata Emmanuel Macronip Danmarkimut pisortatigoortumik siorna tikeraarneranut atatillugu prinsi ilinniarfimmut qaaqquneqarpoq.

Prins Joachim Illersornissamut aqutsisoqarfimmi ullumikkut atorfeqarpoq. Illersornissamut pisortap immikkut siunnersortaatut sulivoq.

/ritzau/