Prins Joachim danskit USA-mi aallartitaqarfianni atorfinissasoq
Prins Joachim danskit Washingtonimi aallartitaqarfianni illersornissamut tunngasuni aallartitatut septemberip aallaqqaataani atorfinissaaq.
Danskit illersornissamut ministeqarfiat tusagassiorfinnut nalunaaruteqarluni taama pasissutissiivoq.
Tassani ukiuni pingasuni atorfeqassaaq sivitsornissaanut periarfissaqarluni.
Danmarkip isumannaallisaanermut illersornissamullu USA-mik suleqateqarnerata nukittorsarneqarnissaa pillugu Prins Joachim atorfinitsinneqartoq, illersornissamut ministeriugallartoq Troels Lund Poulsen oqarpoq.
- Illersornissamik USA-mik suleqateqarnerup nalunaatilinnik nukittorsarneqarnissaa anguniagaraarput, Prins Joachimilu tassani taepersiilluarsinnaavoq.
Prins Joachim nuliani prinsesse Marie meeqqatillu marluk Frankrigemut ukiut sisamat matuma siorna nuupput.
Prins Joachim Frankrigimi sakkutuut ilinniarfianni, École Militairemi, ilinnikkani qaffasinnerpaamik ilinniarsimasuuvoq.
Ilinnikkani naammassigamiuk nulianilu danskit Parisimi aallartitaqarfianni illersornissamut aallartitatut nulialu immikkut ittumik kulturikkut aallartitatut atorfeqarput.
Prins Joachim ilaquttanilu Washingtonimut aasap ingerlanerani nuussapput.
