Prins Henriup toquneranut atatillugu aliasuffimmi qamutilittartoqartoq

Prins Henriup illerfia ullaaq manna oqaluffimmukaanneqarpoq tamanna sioqqullugu sulisorpassuit naggammik inuulluaqusitinneqarput.
Assi © : Cha già José/Flickr Creative Commons
Allattoq Inge S. Rasmussen
februaarip 15-at 2018 08:01
Nutserisoq Bikki P. Kleist

Danmarkimi nalunaaqutaq arfineq pingasunngortoq,  Helsingørimi Kronborg Slotimi aamma Københavnimi Batteriet Sixtusimi qamutilittartoqarpoq.

Prins Henriup toquneranut atatillugu aliasuffimmi katillugu 81-eriarluni qamutilittartoqarpoq.

Københavnimi seqinnerpoq, nunattalu nalunaaqutaa malillugu nal. arfinermut prins Henriup ilerra Fredensborg slotimit anninneqarpoq, prins Henriup illerfia bilinut ikineqareermat kunngikkiormiuni ilaqutaasut qaninnerpaat ataatsimoorlutik siullerpaamik aniapput, prins Henriullu illerfia biilinut siullernut ikineqareermat illussaarsuaq kaajallallugu ingerlaarfigineqarpoq, sulisorpassuillu silami uiguleriiaarlutik naggammik prins Henriup illerfianik inuulluaqqusitinneqarput.

Innuppassuit misiginneqataasut Fredensborg slotip silataatungaani katersuussimapput.

Kunngikkiormiut tamarmik qernertunik atikkersorsimapput, prins Henriullu illerfia Christiansborg Slotskirkemukaanneqarpoq, tassani marlunngornermi ilisaassalluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq