Prins Henriup piffissani kingulleq Fredensborgimi atorusukkaa
Prins Henrik suli peruluttoq, attaveqaqatigiinnermut immikkoortortaqarfik nalunaaqutaq qulingiluanut ilisimatitsivoq.
83-inik ukiulik prins Henrik, Igitsinimiinnermini napparsimalerluni Danmarkimut januaarip ulluisa 28-anni uterpoq Rigshospitalimullu unitsinneqarluni.
Prins Henriup napparsimanerata ajornerulersimanera kunngikkormiut tusagassiutinut tallimanngormat nalunaarutigaat.
Kunngissaq Frederik, Korea Kujallermi ukiuunerani OL-ertoqarneranut atatillugu malinnaajartortoq Danmarkimut uterpoq angunnilu pulaarlugu. Ilaqutai sinneri aamma taamaaliorput.
Prins Henrik puammini saamerlermi naviananngitsumik tinuneqalersimasoq nalunaarutigineqarnikuuvoq, puamminilu aseruuttoornera katsorsarneqassasoq oqaatigineqarluni.
Prinsip qanorpiaq innera Kunngikkormiut Attaveqaqatigiinnermut immikkoortortaqarfiata ilisimatitsissutiginngilaa.
Prins Henrik puigortunngornermik eqqugaasimanera septembarimi nalunaarutigineqarnikuuvoq.
AAMMA ATUARUK Prins Henrik puammini tinuneqartoq