Kunngip sakkutuua 24-nik ukiulik. Frederik Lilja, qimmimit Evitamit upatsilluni kiitissimasoq, aviisi Se & Hør allappoq.
Paarsisoq illussaarsuarmi Marselisborgimi paarsitilluni kaajallannialeruttortoq qimmip upassimavaa kiillarlugulu.
- Pissiffigalunga nakasunnaakkut kiivaanga, Lilja Se & Hørimut oqaluttuarpoq.
Kunngip paarsisua Århusip napparsimmavianukartariaqarsimavoq akiuussutissamik kapitittariaqarsimalluni nimertillunilu.
Evitap "angutaata" utoqqatserfigivaa viinninillu, Château de Caiximeersunik arfinilinnik puussiamiigunanngikkaluartunik tunisimallugu. Kiitittup taamaaliorfigineqarami qujamasuummerluni tunisisoq aviisimut torrallaaneraannarpaa.
Ukiut marluk kingulliit ingerlanerini kunngip sakkutuui paarsillutik sumik isumaqanngitsut Evitap arlaleriarluni upattarsimavai.