Prins Henriup dronningi naggammik tupaallatsikkaa
Prinsi marlunngormat ilisaavoq, naasorpassuillu sakkutuunut toqutaasimasunut eqqaassutissianut nuunneqassasut, kunngikkormiut ilisimatitsissutigaat.
Naasut Amalienborgip Fredensborgillu saavaniittut Københavnimi Kastelimut pingasunngornermi nuunneqassapput.
Tassani sakkutuunut toqutaasimasunut eqqaassutissiaqarpoq.
Naggammik tupaallatsinnissani kissaatigisimagaa
Innuttaasut aamma Aarhusimi Marselisborgimi Gråsten Slotimilu naasorpassuarnik ilisisimapput.
Aamma naasut taakku eqqaassutissianut nunap ilaanittunut agguaanneqassapput.
Dronning Margrethe ilisinermi Christiansborg Slotimut apuummat naasunik ulikkaarpoq.
Prins Henriup dronning Margrethemut naggammik tupaallatsinnissani kissaatigisimavaa.
Taamaammat nigaliliat naasullu naatsiivittut sikkerfiusutut isikkoqartitsisussatut iluarsartuunneqarsimasut, kunngikkormiut facebookkikkut quppernerminni allapput.