Prins Christian ullumi pingasuliivoq
Københavnimi ukiut pingasut matuma siornatigut Unnuk Kulturisiorfik ingerlanneqaleruttortoq prins Christian inunngorpoq.
Prins Christian kunnginngorsinnaasuni kunngissamut Frederimmut tulliuttutut inissisimavoq.
Danmarkimi pingasunik ullumi ukioqalersut katillugit 163-iupput, Christiaammillu atillit marluullutik. Tassa, oktobarip ulluisa 15-ianni pingasuliisut matumani pineqarluni. Danmarkip naatsorsueqqissaartarfia ilisimatitsivoq.
Prins Christianip inunngornerata kingorna ateq Christian atugaaleraluttuinnarpoq, nukappissanik atsersuinermi aqqit atorneqakkajuttut arfineq-aappassaattut inissisimalluni.
Prins Christiaap nalliuttorsiutigineqarnera pissaaq kunngissakkut najugaanni Fredensborg Slotimi, Sjællandip avannarpasinnerusortaaniittumi. Kunngissakkut tamma nalunaaruteqarput.