Praktikerfissaaleqisarnerup iliuuseqarfigineqarnissaa ujartorpaa
Ilinniartut ilinniarnerminnut atatillugu praktikkerfissaaleqisarnerat iliuuseqarfigineqartariaqartoq Nunaqavissut Suliffiutillit Kattuffiata siulittaasua Gerth B. Lynge radioaviisimut oqarpoq.
Allattoq Mads Lynge
marsip 06-at 2008 10:03
- Misissuinissat pinnagit maannangaaq iliuuseqartoqartariaqarpoq, misissuinerimmi naammareerput, Gerth B. Lynge oqarpoq:
- Siunnersuutip itigartitsissutigineqarnera assut pakatsissutigaara. Pisuussutitta annersaasa, tassa sulisartut, ilaasortattalu ilinniarsimasunik pisariaqartitsinerat, ilinniarsimasullu suliffeqarfimminni qaffassarneqarnissaat kinguartinneqartutunaa ilerput, Gerth B. Lynge oqarpoq, nangillunilu:
- Misissuinissat pigunnaarlugit qanoq iliuuseqartariaqalerpugut. Misissuinerit naammatsereernikuupput, aamma inuiaqatigiit nalunngilaat ilinniarsimasunik qanoq amigaateqartiginersugut. Pisortat suliffeqarfiisa aamma naalakkerneqarnissaat, NuSuKa-p siulittaasua Gerth B. Lynge oqarpoq.
